Грек-рим балбаны Жоламан Шаршенбеков Олимпиада оюндарынын жарым финалында жеңилүү ызасын тартты.
Шаршенбеков 60 кг салмакта күч сынашууда. Ал 1/8 финалдагы биринчи беттешинде казакстандык Айдос Султангали 6:3 эсебинде жеңди.
Андан кийин чейрек финалда румыниялык Резван Арнаутту 9:0 эсебинде жеңди.
Жарым финалда ал япониялык Кеничиро Фумита менен кез келип, 3:4 эсебинде жеңилип калды.
Эми Жоламан Шаршенбеков коло байге үчүн күрөшөт. Беттеш 6-августта өтөт.
