Комендатура коомдук тамактануу чөйрөсүндө иштеген ишкерлерге 2 миң 700 өткөрмө кагазын берди. Бул тууралуу онлайн брифингде Бишкек шаарынын коменданты Алмазбек Орозалиев билдирди.
“Алар Бишкек шаарында азык-түлүк жана тамак-аштарды жеткирүү менен алектенишине бул жетиштүү. Азыр, албетте, калаанын чет жакасында айрым көйгөйлөр бар, биз бул маселелерди чечип жатабыз”, — деди Орозалиев.
Белгилей кетсек, борбор калаада өзгөчө абал киргизилгенден бери коменданттык сааттын убактысын 1 миң 76 адам бузган.
