31-декабрда Россиянын Оренбург облусунда Кыргызстандын жарандарынын катышуусунда жол кырсыгы катталган. Бул тууралуу Тышкы иштер министрлигинен билдиришти.
Алдын ала маалыматтар боюнча, Chevrolet Cruze үлгүсүндөгү унаанын айдоочусу каршы тилкеге чыгып, унаа ташыган машинаны сүзүп алган. Кырсык боюнча иликтөө иштери башталды.
Россиянын тиешелүү органдарынын маалыматы боюнча, кырсыктын кесепетинен Кыргызстандын 4 жараны каза болгон. Алар: 1976-жылы туулган Р.Н., 1982-жылы туулган Б.Т., 1986-жылы туулган Д.А., 1990-жылы туулган С.Н. 1 жашы жете элек бала жаракат алып ооруканага жеткирилген.
Окуянын бардык жагдайларын тактоо үчүн Кыргызстандын Россиядагы элчилиги Россиянын укук коргоо органдарынын өкүлдөрү жана медицина кызматкерлери менен байланыш түздү.
Биздин Телеграм каналга катталыңыз
