Орусиядан ташылып келе жаткан 16 миң 536 литр сүт азыктары өлкөгө киргизилбей, кайра артка кайтарылды. Бул тууралуу Суу ресурстары, айыл чарба жана кайра иштетүү өнөр жайы министрлиги билдирди.
Маалыматта айтылгандай, Чүй облусундагы «Ак-Тилек» көзөмөл пунктунун инспекторлору жогоруда аталган сүт азыктарына текшерүү жүргүзүп, товарда ЕАЭБдин ветеринардык-санитардык талаптары бузулганы аныкташкан.
Жыйынтыгында сүт азыктары Орусияга кайра кайтарылган.
