Ош шаарында автоунаа уурдоого шектелип 21 жаштагы жаран кармалды. Бул тууралуу Ош шаардык милициясынан билдиришти.
4-август күнү шаардык милицияга 47 жаштагы жаран кайрылып, белгисиз адамдар Daewoo Matiz унаасын уурдап кеткенин билдирген. Ал 3-август күнү саат 23:30да унаасын үйүнүн жанына токтотуп, бирок эртеси күнү унаасын койгон жеринен таппай калган.
Бул факт Жазык кодексинин 211-беренеси (Автомототранспорт каражаттарын айдап качуу) боюнча каттоого алынган.
Ошол эле күнү унааны айдап кетүүгө шектелип Ош шаарынын 21 жаштагы К. С. аттуу тургуну унаа оңдоочу жайда кармалган. Ал унаанын тормозу бузулуп калгандыктан, аны оңдотууга алып келген.
Учурда тергөө амалдары жүргүзүлүп жатат.
Бардык жаңылыктар Телеграм каналда
