Ошто мэриянын автобусу өрттөнүп кетти. Бул тууралуу Өзгөчө кырдаалдар министрлигинин басма сөз кызматынан билдиришти.
Маалыматка ылайык, кечээ, 25-апрелде Ош шаарындагы Гапар Айтиев көчөсүндө мэрияга караштуу 13-каттамдагы жүргүнчү ташыган автобустан өрт чыккан.
Ал жерге өрт өчүрүүчүлөр тартылып, саат 10:26да чектелип, 10:42 де толук өчүрүлгөн. Автобустун 10 чарчы метр арткы жүргүнчүлөр отуруучу жайы, жана кыймылдаткыч тарабы күйгөн.
Жабыркагандар жок, учурда материалдык чыгымдар жана өрттүн келип чыгуу себеби такталууда.
