Ош облусунда жеңил унааны сел суусу агызып, бир адам каза болду. Бул тууралуу ӨКМден билдиришти.
Маалыматка караганда, Кара-Кулжа районунун Мырзаке – Кара-Кулжа –Алайкуу унаа жолунун 41-чакырымдарында 1 жеңил унааны сел агызып, унаанын ичинде 1 эркек, 2 аял жана 1 жаш бала болгон ( аты-жөндөрү такталууда).
2 аял кишини жана жаш баланы жергиликтүү тургундар куткарып калышкан. Ал эми унаанын айдоочусун сел агызып кеткен.
Издөө иштерине Республикалык өзүнчө куткаруу отрядынан 11 куткаруучу тартылып, ал жарандын жансыз денесин таап, сайдан чыгарышып туугандарына өткөрүп беришкен.
Биздин Телеграм каналга катталыңыз
