Ишемби, 24-сентябрь күнү Кыргызстан менен Россиянын футболдук беттешинен кийин Россия курамасынын 5 кызматкери Кыргызстанда калды. Бул тууралуу «Мутко против» телеграм каналы жазды.
Маалыматка караганда, алар команданын административдик штабынан болушат. Кураманын бардык оюнчулары менен машыктыруучулары Россияга кетишкен.
«Бирок алар эмгек өргүүсүнө кеткен айтышты — мындан мурда деле курамалардын беттештеринен кийин көптөр үйүнө дароо кайтпай, жолго убакыт коротпош үчүн эс алууга кетишчү. Алардын айтымында, жакынкы жумаларда алар ишине кайтып келүүнү пландап жатат», — деп айтылат маалыматта.
Эскерте кетсек, Быйыл 24-февралда Россия Украинага кол салган. Анда тутанган согуш азыркы күнгө чейин уланып келет. Ага байланыштуу 21-сентябрда Россияда жарым-жартылай мобилизация жарыяланып, жарандар аскерге чакырыла баштаган. Мындан улам көптөгөн жарандар чет мамлекеттерге, анын ичинде Казакстан, Грузия, Кыргызстанга кете баштаган.
Биздин Телеграм каналга катталыңыз
