Кыргызстандык жаш ырчы Аэлита Таалайбекова 8–10 августа Россиянын Тува Республикасынын борбору Кызыл шаарында өткөн эл аралык «Алдын согун — Алтын жебе» сынагында биринчи орунду ээледи.

Таалайбекова таймашта тува тилиндеги «Аныяктар» жана «Курманбек» чыгармаларын аткарып, калыстар тобунун жана көрүүчүлөрдүн жогорку баасын алды.

Бул сынакка Казакстан, Башкортостан, Бурятия, Хакасия, Тоолуу Алтай, Калмакстан жана башка аймактардан 20дан ашык ырчы катышкан.

«Алдын согун» быйыл алгач ирет өткөрүлүп, Туванын эмгек сиңирген артисти Аяс Данзырынын жаркын элесине жана Ата Мекенди коргоочунун жылына арналды.

Аэлита Таалайбекова — Кыргызстандын Эмгек Сиңирген Артисти Айчүрөк Иманалиеванын кызы.