Сооронбай Жээнбеков Дүйнөлүк банктын Кыргызстандагы өкүлүн Ардак грамота менен сыйлады. Бул тууралуу мамлекет башчынын басма сөз кызматынан кабарлашты.
Маалыматка ылайык, президент Сооронбай Жээнбеков бүгүн, 5-августта Дүйнөлүк банктын Кыргызстандагы туруктуу өкүлү «Болормаа Амгаабазарды Кыргыз Республикасынын Ардак грамотасы менен сыйлоо жөнүндө» Жарлыкка кол койду.
Ал Кыргыз Республикасынын социалдык-экономикалык өнүгүүсүнө жана Кыргыз Республикасы менен Дүйнөлүк банктын ортосунда үзүрлүү кызматташууну орнотууга кошкон зор салымы үчүн Ардак грамота менен сыйланды.
