Президенттин м.а., премьер-министр Садыр Жапаров эки күндүк иш сапары менен Баткен, Ош жана Жалал-Абад облустарына барат.
Өкмөттүн басма сөз кызматы билдиргендей, жумушчу сапар 2-4-ноябрь күндөргө белгиленген.
Иш сапардын жүрүшүндө өкмөт башчы облустардагы инфраструктуралык объектилердин курулушу менен таанышат. Мындан тышкары Баткен, Ош жана Жалал-Абад облустарынан, ошондой эле Ош шаарынын эли менен жолугушат.
Буга чейин Садыр Жапаровдун чек ара көйгөйлөрү боюнча жеринде таанышуу максатында Баткен, Ош, Жалал-Абад облустарына бир нече күнгө иш сапары менен барары айтылган.
