Садыр Жапаров Жеңиш майрамына арналган парадка катышуу үчүн Орусияга барат

Садыр Жапаров Жеңиш майрамына арналган парадка катышуу үчүн Орусияга барат

Өлкө башчы Садыр Жапаров 8-9-майда Владимир Путиндин чакыруусу менен Орусияга иш сапары менен барат. Бул тууралуу президенттик администрациянын тышкы саясат бөлүм башчысы Сагынбек Абдумуталип билдирди.

Алдыдагы иш сапарынын алкагында мамлекет башчысы Улуу Ата Мекендик согуштагы Жеңиштин 80 жылдыгына арналган салтанаттуу иш-чараларга катышат.

Ошондой эле Садыр Жапаров чет өлкөлүк мамлекеттин башчылары жана согуштун ардагерлери менен бирге Москвадагы Кызыл аянтта өтүүчү маарекелик Жеңиш парадына катышары айтылды.

Белгилей кетсек, алдыдагы салтанаттуу парадга Кыргыз Республикасынын куралдуу күчтөрүнүн Улуттук гвардиясынын параддык бөлүгү да катышат.

Рубрики: ЖАҢЫЛЫКТАР

Поделиться в социальных сетях:

Тема боюнча жаңылыктар

Бардык жаңылыктар >>