Президент Жер кодексин каршы пикири менен артка кайтарды. Бул тууралуу президенттин басма сөз катчысы Аскат Алагозов 6-апрелде өзүнүн «Фейсбук» баракчасына жазды.
Анын айтымында, өлкө башчы «бул чечимин Кыргызстанда жеке менчик кол тийгис экендиги менен түшүндүргөн».
«Эгерде огород же турак жай турган жер мамлекеттик максатка зарыл болсо, анда анын ордуна компенсация төлөнүп, же башка жерден тийиштүү жер тилкеси сунушталышы керектиги белгиленди. Бул Кыргызстандын Конституциясында каралган»,- деп айтылат маалыматта.
Белгилей кетсек, Жогорку Кеңеш Жер кодекси тууралуу мыйзамдын жаңы редакциясын ушул жылдын 13-февралында кабыл алган. Бул чечим коомчулукта бир топ нааразычылыкты жараткан.
