Азамат Жамангулов санариптик өнүгүү жана инновациялык технологиялар министринин милдетин аткаруучу болуп дайындалды. Бул тууралуу президенттин маалымат кызматы кабарлады.
Жарлыкка өлкө башчы Садыр Жапаров кол койгон. Эми анын талапкерлиги Жогорку Кеңеште каралат.
Эске салсак, Азамат Жамангулов ушул жылдын 30-январында санариптик өнүктүрүү министри болуп дайындалган. 17-мартта өлкө башчы кол койгон жарлыкка ылайык, аталган министрлик Санариптик өнүктүрүү жана инновациялык технологиялар министрлиги болуп кайра аталып, жаңы милдеттер жүктөлгөн.
