Шайлоо өнөктүгү учурунда 61 мыйзам бузуу фактылары катталды. Бул тууралуу Борбордук шайлоо комиссиясынын мүчөсү Тынчтыкбек Шайназаров маалымат жыйында билдирди.
Анын айтуусуна караганда бул фактылар үгүт өнөктүгү учурунда катталган. Бүгүн, 10-январда 2 урна сындырылган, добуш берүүнүн жүрүшүндө мыйзам бузуулар болгон жок.
“61 кайрылуу түштү анын ичинен 39у ички иштер министрлигине катталган. 10у жоруктар жана кылмыштар жөнүндө бирдиктүү реестрге, 1 факты башкы прокуратурада катталган, 6 окуя боюнча жеринен тиешелүү чечим кабыл алынган. Бир кайрылуу Орусияда катталган. Ошондой эле 6 кайрылуу боюнча атайын иштер учурда алынып барылууда. Көбүнчө кайрылуу талапкерлердин өкүлдөрү тарабынан түшкөн”, — деди Шайназаров.
Ал эми ИИМдин өкүлү Султан Макилов бүгүн, 10-январда саат 9:30га карата мыйзам бузуу катталбаганын, коопсуздукду 10 миңден ашуун милиция кызматкери камсыздап жатканын билдирди.
