Борбордук шайлоо комиссиясы ушул жылдын 30-ноябрында өтө турган мөөнөтүнөн мурда парламенттик шайлоого катыша турган шайлоочулардын акыркы тизмесин жарыялады. Маалыматтар мамлекеттик «Тизме» порталына жайгаштырылды.

25-ноябрга чейин бул тизмелер өлкө боюнча 2 миң 492 шайлоо участкасына кагаз түрүндө илинет.

Контролдук тизмеде 4 млн 294 миң 243 шайлоочу бар, алардын ичинен:

• эркектер — 48,47%,
• аялдар — 51,52%.

Жаш курактык түзүлүш:

• 18 жаш — 2,44%;
• 19–35 жаш — 39,77%;
• 36–45 жаш — 21,52%;
• 46–55 жаш — 15,16%;
• 56–65 жаш — 12,31%;
• 66 жаштан жогору — 8,80%.

БШК шайлоочуларга өздөрүн тизмеден текшере алышарын эске салды:

1255 же 119 кыска номурлар аркылуу;

өз шайлоо участогунда;

«Тизме» сайтында;

ПИНди көрсөтүп, 119 номурга СМС жөнөтүү менен, участок номуру менен дареги жооп катары келет.

Бардык чалуулар жана билдирүүлөр акысыз.

Эске салсак, буга чейин БШК мөөнөтүнөн мурдагы парламенттик шайлоолорго талапкер болуу ниетин билдирген жарандардын саны 458ге жеткенин билдирген.