Жогорку Кеңештин депутаттарын мөөнөтүнөн мурда шайлоого катышуу ниетин билдирген жарандардын саны 458ге жетти.

Борбордук шайлоо комиссиясынын маалыматына караганда, талапкерлерден арыздарды кабыл алуу 30-октябрда аяктайт. Ал эми мөөнөтүнөн мурда өтө турган парламенттик шайлоо 30-ноябрда болот.

Шайлоо алдындагы үгүт иштери 10-ноябрда башталат.

БШКнын алдын ала маалыматы боюнча, шайлоочулардын тизмесине 4 миллион 287 миңден ашык адам кирген. Жарандар 30-октябрга чейин өзүнүн маалыматтарын тизмеден тактай алышат.

Шайлоону утурлай өлкө боюнча 2492 шайлоо тилкеси ачылары кабарланды.