Эмгек жана социалдык өнүктүрүү министри кызмат ордуна Ализа Солтонбекованын талапкерлиги сунушталууда. Жогорку Кеңештин расмий сайтына жарыяланган маалыматка караганда, анын талапкерлиги премьер-министрдин милдетин аткаруучу Артем Новиков тарабынан көрсөтүлгөн.
Жогорку Кеңештин басма сөз кызматынын өкүлү билдиргендей, Солтонбекованын талапкерлиги бүгүн-эртең парламенттин тийиштүү комитеттеринде каралып, шаршемби күнү жалпы жыйындын кароосуна жиберилет.
Белгилей кетсек, 28-октябрда Эмгек жана социалдык өнүгүү министрлигине Аида Исмаилованын талапкерлиги каралып, депуттаттардын колдоосуна ээ болгон эмес.
Аталган кызматты 2018-жылдын октябрь айынан бери аркалап келген Улукбек Кочкоров 6-октябрдагы окуялардан кийин кызматтан кеткен.
