Кара-Суудагы «Туратали» базарынын аймагында жайгашкан «К. Жээнбеков» базарынын директору Ж.К.Ш. кармалды. Бул тууралуу УКМК билдирди.
Ал Кылмыш-жаза кодексинин 209 беренеси менен “Алдамчылыкка” шектелүүдө.
“Базар директору соодагерлерди “контейнерди бузуп, ижара келишимин узартпай коем” деп коркутуп акча доолап турган. Жыл сайын ишкерлер 5 миң – 10 миң доллардан берип келишкен”, — дейт УКМК.
Шектүүнүн банктык эсебине базарда иштеген соодагер 5 миң доллар которгондон кийин кармалды.
Анын үйүн тинтүү учурунда акча, балуу буюмдар жана «Рейндж Ровер» автоунаасы табылып алынды.
Биздин Телеграм каналга катталыңыз
