Бүгүн, 27-ноябрда «Ала-Арча» Мамлекеттик резиденциясында Кыргыз-Казак мамлекет башчылары Сооронбай Жээнбеков менен Кыргызстанга келген Касым-Жомарт Токаевдин расмий жолугушуу аземи болду. Бул тууралуу президенттин аппаратынан билдиришти.
«Ала-Арча» Мамлекеттик резиденциясында, чет элдик мамлекеттердин башчылары жана делегациялары менен салтанаттуу жолугушуулары өтүүчү «Ак-Кеме» салтанат жайында Кыргызстандын жана Казакстандын мамлекеттик желектери илинип, Ардактуу кароол тизилген.
Андан соң Кыргызстан Казакстандын Жогорку мамлекеттер аралык Кеңешинин 5-жыйыны өтөт.
Сүйлөшүүлөрдүн жыйынтыгы боюнча Кыргызстан менен Казакстан ортосундагы кызматташтыкты мындан ары карай тереңдетүүгө багытталган бир катар эки тараптуу документтерге кол коюлушу күтүлүүдө.
