Кыргызстандын түрмөлөрүндө жаза мөөнөтүн өтөп жаткан 631 жаранга паспорт берилди. Бул тууралуу Акыйкатчы институтунун маалымат кызматы кабарлады.

Маалыматта айтылгандай, аталган институттун кызматкерлери текшерүү жүргүзүп, өлкөдөгү жабык мекемелерде жазасын өтөп жаткан 742 соттолгон жарандын паспорту жок экенин аныктаган.

Мындан улам акыйкатчы Жамиля Жаманбаева соттолгондорго документ берүү маселесин көтөрүп, тиешелүү мамлекеттик органдарга расмий каттарды жиберген.

Натыйжада түрмөлөрдө соттолуп жаткан 631 жаран паспорт алышкан.