Юстиция министрлигине караштуу Соттук-эксперттик кызмат 2025-жылдагы ишмердүүлүгүнүн жыйынтыгын чыгарды. Отчеттук маалыматтарга ылайык, өткөн мезгилде мекеме укук коргоо жана сот органдарынын экспертиза дайындоо жөнүндө 7 миң 268 аныктамасын иштеп чыккан.

Кызматтын каржылык көрсөткүчтөрү оң динамиканы көрсөттү. Мамлекеттик эксперттик акылуу кызматтарды көрсөтүүдөн түшкөн каражаттын көлөмү 14 млн сомдон ашык сумманы түздү, бул 2024-жылдын көрсөткүчүнөн дээрлик эки эсеге көп. Жалпы изилдөөлөрдүн санынын көбөйүшү менен катар кирешенин өсүшү көрсөтүлгөн кызматтардын тизмесинин кеңейгенинен жана кызматтын ичиндеги уюштуруу процесстеринин оптималдаштырылганынан кабар берет.

Ошондой эле кызматтын эксперттери 6 миң 285 корутунду даярдашкан, мында жалпы көлөмдүн 88%ын орто жана жогорку татаалдыктагы изилдөөлөр түзгөн. Аткарылган иштердин түзүмүндө баштапкы экспертизалардын санынын өсүшү, ошол эле учурда кайрадан жана кошумча жүргүзүлгөн изилдөөлөрдүн санынын азайышы катталган. Мекеме муну баштапкы эксперттик иштин сапатынын жана персоналдын квалификациясынын жогорулашы менен байланыштырат.

Эң көп суроо-талапка ээ болгон багыттар соттук-автотехникалык, криминалистикалык, лингвистикалык, дин таануу, ошондой эле баллистикалык жана жарылуу техникалык экспертизалар болгон. Кызматтардын негизги тапшырыкчысы болуп салтуу түрдө Ички иштер министрлиги (бардык кайрылуулардын 80%ы) саналган. Ошондой эле соттор, прокуратура жана УКМК менен системалуу өз ара аракеттенүү жүргүзүлгөн. Географиялык жактан эң чоң жүктөм Бишкек шаарына, Чүй жана Ош облустарына туура келген.