Кыргызстандын Министрлер кабинетинин башчысы өлкөгө иш сапары менен келген Россия өкмөтүнүн төрагасынын орун басары Алексей Оверчук менен жолугушту.

КР Министрлер кабинетинин маалыматтык саясат бөлүмү билдиргендей, жолугушуунун жүрүшүндө соода-экономикалык жана башка тармактардагы эки тараптуу кызматташтыктын кеңири алкагындагы маселелер талкууланды.

Ошондой эле тараптар алдыда өтө турган Кыргыз-орус өкмөттөр аралык комиссиясынын жыйынына даярдык көрүү маселелерин карашты.

Стратегиялык өнөктөштүктү тереңдетүү духунда эки өлкө үчүн тең артыкчылыктуу болгон багыттарда өз ара аракеттенүүнү мындан ары да бекемдөөнүн маанилүүлүгү белгиленди.