Кечээ, 13-ноябрда Түркиянын Стамбул шаарынын борборунда болгон жардыруудан каза болгон жана жабыркагандардын арасында кыргыз жарандары жок. Бул тууралуу Тышкы иштер министрлигинен билдиришти.

Министрлик Стамбулдагы башкы консулдук Түркиянын бийлиги менен байланышта экенин белгилейт.

Эскерте кетсек, 13-ноябрда жергиликтүү убакыт боюнча саат 16:20да Бейоглу районунда Истикляль көчөсүндө жардыруу болгон. Акыркы маалыматтар боюнча, анын айынан каза болгондордун саны алтыны түзүп, жабыркагандардыкы 81ге жетти.

Түркия бийлиги болгон окуяны теракт катары баалап жатат. Ага аял кишинин катыштыгы болгону, бомба салынган баштыкты көчөгө калтырып кеткени айтылууда.

Стамбулдун борборунда жарылуу болду – видео

Биздин Телеграм каналга катталыңыз