Талас облусунун Кара-Буура районунда баңгизатын ташыгандыгы үчүн кармалган төрт жаран 12 жана 13 жылга эркинен ажыратылды. Бул тууралуу Улуттук коопсуздук мамлекеттик комитетинен билдиришти.

Маалыматка караганда, Кара-Буура райондук сотунун 30-январдагы чечими менен, А.М.А. аттуу жаран 12 жылга эркинен ажыратылып, 1 млн сом айып салынган. Ал мурда УКМК кызматкерлерине пара катары сунуштаган 2 млн 745 миң сом жана 2 миң доллар мамлекеттик бюджетке алынган. Ошондой эле, К.К.М., О.А.Ы. жана Ж.Э.Р. аттуу жарандар мүлктөрүн конфискациялоо менен 13 жылга эркинен ажыратылган.

Белгилүү болгондой, аталган жарандар 2022-жылдын 3-февралында кыргыз-казак чек арасы аркылуу 3 капка салынган 11 килограммга жакын баңгизатты мыйзамсыз алып өтүүгө аракет кылган учурда кармалган.

Аларга Кылмыш-жаза кодексинин 282-беренесинин 3-бөлүгү (Сатуу максатында баңги каражаттарын, психотроптук заттарды жана алардын окшошторун мыйзамсыз даярдоо) боюнча кылмыш иши козголгон.

[image_carousel source=”media: 176856,176855″ limit=”20″ slides_style=”default” controls_style=”dark” crop=”none” columns=”1″ adaptive=”yes” spacing=”yes” align=”none” max_width=”none” captions=”no” arrows=”yes” dots=”yes” link=”none” target=”blank” autoplay=”4″ speed=”medium” image_size=”large” outline=”yes” random=”yes”]

Биздин Телеграм каналга катталыңыз