Айыл чарба министрлигинин Тогуз-Торо райондук агрардык өнүктүрүү башкармалыгы Атай айыл аймагынын Бирдик айылына 6 миң даана алма көчөтүн бекер таратты. Бул тууралуу мекеменин басма сөз кызматы билдирди.

Тургундарга алманын Крипсон, Симиренко, Голден Делишес, Столовка, Белый Налив жана Ред Чиф сорттору берилген. Бул иш-чара президенттин «Бир айыл – бир продукт» улуттук экономикалык долбоору жөнүндө жарлыгынын алкагында уюштурулган.

Долбоор ФАО тарабынан каржыланып, бак-дарактарды көбөйтүүгө, кошумча киреше булактарын түзүүгө жана экологияны жакшыртууга багытталган.