Баткендин Кызыл-Кыя шаарында уурулукка шектелип 16 жаштагы өспүрүм кармалды. Бул тууралуу облустук милициядан билдиришти.
Маалым болгондой, белгисиз жаран түнүндө Кызыл-Кыядагы телефон саткан дүкөнгө чатырын тешип кирип, PS 5 оюн жабдыгын жана iPhone үлгүсүндөгү бир нече телефонду уурдап кеткен. Бул окуядан кийин дүкөн ээси милицияга арыз жазган.
Бул факт боюнча «уурулук» беренеси менен кылмыш иши козголгон. Дүкөн ээсине 400 миң сомго жакын зыян келтирилгени аныкталган.
Иликтөө иштеринин жүрүшүндө шектүү катары Ноокаттын 16 жаштагы тургуну кармалган.
Учурда уурдалган бумюмдар ээсине кайтарылып, тергөө иштери ууланууда.
