Түркияда өтүп жаткан Yaşar Doğu&Vehbi Emre эл аралык мелдешинде кыргызстандык балбандар Акжол Махмудов (77 кг) менен Раззак Бейшекеев (67 кг) биринчи беттештерин жеңиш менен баштады.
Махмудов 1/16 финалдагы алгачкы беттешинде Түркиялык Серкан Аккоюнду жеңди.
Ал эми Раззак Бейшекеев 1/16 финалда дагы бир кыргызстандык балбан Амантур Исмаилов менен кез келди. Беттеш 1:1 эсебинде жыйынтыкталып, артыкчылык упайы Бейшекеевде болгондуктан, жеңиш ага ыйгарылды.
Эми 1/8 финалда Махмудов менен Бейшекеевдин атаандаштары түркиялык балбандар болот.
