Чүй облусунда баасы 470 млн сом болгон 31,5 гектар жер мамлекетке кайтарылды. Бул тууралуу УКМКдан билдиришти.

Маалыматка караганда, аталган жер – “Аэродром” жер тилкеси Жайыл районунун Ак-Башат айылында жайгашып, “Буудай” ААКсына таандык болгон. 2007-жылы айрым кызмат адамдар менен акционердик коомдун жооптуу кызматкерлери сүйлөшүп алып, баюу максатында учуп-конуу тилкеси, химиялык заттарды сактоочу кампасы жана башка курулуш объекттери бар 31,5 гектар жерди менчикке чыгарып кетишкен. Жер үчүн болгону 185 миң сом төлөнгөн.

УКМК билдиргендей, ыкчам-иликтөө иштеринин натыйжасында баасы болжол менен 470 млн сомго жеткен 31,5 гектар жер мамлекетке кайтарылды.