Ысык-Көл облусундагы «Вентус» укук коргоо уюмунун жетекчиси Камил Рузиев кармалды. Бул тууралуу Улуттук коопсуздук боюнча мамлеттик комитеттин басма сөз кызматы билдирди.
Укук коргоочу жасалма документтер фактысы боюнча кармалганы белгилүү болду.
«Сотко чейинки өндүрүш материалдары Кылмыштардын жана жоруктардын бирдиктүү реестрине «Документтерди жасалмалоо» жана» Алдамчылык» беренелери боюнча катталган. Кармалган адам Каракол шаарынын ИИБнын убактылуу кармоочу жайына камалды. УКМК аталган адамдын башка кылмыш фактыларына катышкандыгын аныктоо үчүн ыкчам-тергөө иш-чраларын жүргүзүүдө ”, — деп билдиришти басма сөз кызматынан.
