Ушул жылдын январь-март айларында салыктардан жана төлөмдөрдөн 63 млрд 852,2 млн сом чогултулду. Бул тууралуу Салык кызматы кабарлады.
Маалыматка ылайык, бул көрсөткүч белгиленген пландан 4 млрд 388,6 млн сомго ашык аткарылган. Ошондой эле өткөн жылга салыштырмалуу салыктар 15,8 млрд сомго көп чогултулган.
Ал эми камсыздандыруу төгүмдөрүнөн январь-март айларында 19 млрд 114,5 млн сом чогултулуган. Бул былтыркы жылга салыштырганда 1,5 млрд сомго көп.
Жалпысынан алганда 2025-жылдын I кварталында чогултулган салыктардан жана камсыздандыруу төгүмдөрүнөн бюджетке жалпы 82 млрд 966,7 млн сом түшкөн.
