Ысык-Көл облусунун аймагында жол куруу иштерин жүргүзгөн кытайлык компанияга айып салынды. Бул тууралуу ЖКККББдан билдиришти.
Маалыматка караганда, Балыкчы—Ананьево—Каракол унаа жолунун 104-чакырымынан тартып, 184-чакырымына чейинки реабилитациялык жол тилкесин жеринен кароо, текшерүү иштеринин жыйынтыгында аныкталган кемчиликтери үчүн “CHINA ROAD” жол куруу ишканасына Укук бузуу Кодексинин 434-беренесинин негизинде буга чейинки айтылган эскертүү жана буйруктарды аткарбагандыгы үчүн 13 миң сомго айып салышып, эскертүү барактарын беришти.
ЖКККББнын Жол көзөмөлдөө бөлүмү жол кырсыктарынын алдын алуу максатында Ысык-Көл облусунун баардык коопту жол тилкелерин, жолдорду оңдоо түзөө иштерин жана тийиштүү жол белгилеринин, жол чийиндеринин талаптарга жооп берээрин жеринен кароо, текшерүү жана көзөмөлдөө иштерин жүргүзүшүүдө.
Биздин Телеграм каналга катталыңыз
