Чек ара маселесин тез арада чечүү үчүн Мамлекеттик чек ара кызматын УКМКнын курамына кошуу чечимин кабыл алдык. Бул тууралуу Президенттин м.а., премьер-министр Садыр Жапаров ЖМК өкүлдөрүнө өткөрүп жаткан маалымат жыйында айтты.
“Мамлекеттик чек ара кызматын УКМКнын курамына кошуу эч кандай мамлекетке зыян келтирбейт. Тескерисинче кызматкерлердин айлык акысы көтөрүлөт. КМШ олкөлөрүндө чек ара Улуттук коопсуздук кызматынын карамагында. Коңшу өлкөлөрдүн айтымында чек ара маселесин чечүүнү Кыргызстандын бийлиги тарабынан созулуп жатыптыр. Ошондуктан көпкө созбойлу деп ушундай чечим кабыл алдык”, – деди Жапаров.
