Жапония өкмөтү 19-20-декабрда Токиодо Борбор Азиянын беш мамлекети катышкан саммитти өткөрүүгө даярдап жатат. Иш-чаранын алкагында Жапониянын премьер‑министри Санаэ Такаитинин Борбор Азия өлкөлөрүнүн лидерлери менен эки тараптуу жолугушууларын уюштуруу мүмкүнчүлүгү дагы каралууда. Ушундай эле иш-чара алгач Казакстанда өткөн жылдын август айында өтүшү керек болчу, бирок аны токтотууга туура келген.

Диалогду жандандыруу демилгеси Токионун аймактагы дипломатиялык аракеттерди күчөтүүгө умтулуусуна байланыштуу. Бийликтеги либералдык‑демократиялык партиянын вице-президенти Таро Асо белгилегендей, бул өзгөчө Борбор Азия өлкөлөрүнүн Орусия, Кытай жана АКШ менен жолугушууларынын күчөшүнүн фонунда актуалдуу.