Жогорку Кеңештин дагы эки депутатынан COVID-19 аныкталды. Бул тууралуу парламенттин басма сөз кызматынын башчысы Ибраим Нуракун уулу «Фейсбуктагы» баракчасына жазды. Бирок ал кайсы эл өкүлдөрү экенин ачыктаган жок.
Анын айтуусунда, ушуну менен Жогорку Кеңештин 4 депутаты, 4 аппарат кызматкеринен коронавирус тастыкталды.
Ал эми Ибраим Нуракун уулу өзү 18-июнда коронавирус жуктуруп алган. Ал учурда Токмоктогу ооруканалардын биринде дарыланууда.
19-июнда «Кыргызстан» фракциясынын депутаты Бейшеналы Нурдиновдон коронавирус аныкталган. Ал парламенттеги бардык депутаттар менен байланышта болгон.
