Бүгүн Жогорку Кеңештин 84 депутаты парламентти мөөнөтүнөн мурда таратуу чечимин колдоду. Өзүн-өзү таркатуу демилгесине буга чейин 32 депутат кол койгон. Ошентип парламент бүгүн өзүн-өзү таратты.

Кийинки шайлоо 2025-жылдын 30-ноябрына белгиленди. Президент Садыр Жапаров расмий түрдө шайлоо күнүн бекитиши керек.

Жогорку Кеңештин төрагасы Нурланбек Тургунбек уулу бул жолку шайлоо “болуп көрбөгөндөй таза” өтөрүн белгиледи.

Ал эми депутат Улан Примов парламенттик жана президенттик шайлоо кыска аралыкта өтөрүн билдирди.