Бишкек шаарында учурда «Рулда» аттуу масштабдуу рейд өтүп жатат. Анын алкагында бардык транспорт каражаттары текшерүүдөн өтүүдө.

Кайгуул кызматынын маалыматына караганда, рейддин максаты — жол кыймылынын эрежелерин бузуу учурларын аныктоо, жолдордо коопсуздукту камсыз кылуу жана жол кырсыктарынын алдын алуу.

Иш-чаранын жүрүшүндө жолдордун айрым бөлүктөрү тарылтылып, кыймылга көзөмөл күчөтүлгөн. Бул кадам жол кыймылынын коопсуздугун жогорулатууга жана мыйзам бузууларды тез аныктоого шарт түзөт.

Маалыматта Милициянын кайгуул кызматы айдоочуларга жол кыймылынын эрежелерин так сактоону, башка катышуучуларга урмат көрсөтүүнү жана сабырдуулук менен мамиле кылууну эскертти.

Рейд бир нече күн бою уланат жана шаар ичиндеги негизги жолдорду камтыйт.