Энергетикалык ресурстар менен камсыздоо маселесин тышкы иштер, соода жана инвестиция министри Руслан Казакбаев менен Түркмөнстандын Кыргызстандагы элчиси Шадурды Мередов талкуулады. Бул тууралуу ТИМден билдирди.
Жеке кабыл алууда соода-экономикалык, инвестициялык кызматташтыкты тереңдетүү, транспорт тармагын жана инфраструктуралык долбоорлорду ишке ашыруу маселелери талкууланды.
«Ушундай контекстте жакынкы аралыкта Соода-экономикалык, илимий-техникалык жана гуманитардык кызматташтык боюнча кыргыз-түркмөн өкмөттөр аралык комиссиясынын кезектеги жыйынын өткөрүү зарылчылыгы белгиленди», — деп айтылат Тышкы иштер министрлигинин билдирүүсүндө.
