Өлкө башчы Садыр Жапаров Шотландияда өтүп жаткан климаттын өзгөрүшүнө арналган саммитинде экологияны сактоо боюнча атайын фонд түзүүнү сунуштады.  Ал бүгүн Кыргызстандын атынан сөз сүйлөп чыкты. Анда:

“Мөңгүлөрдү, токойлорду, табигый көп түрдүүлүктү сактоого, тоолуу аймактарда жашаган жамааттардын экономикалык, социалдык абалын жакшыртууга, айрыкча балдар менен аялдарга колдоо көрсөтүүгө басым жасоо менен климаттык өзгөрүшүнө ыңгайлаштуу боюнча максаттуу программаларды ишке ашыруу үчүн Бириккен Улуттар Уюмунун калкасында атайын фонд түзүүнү сунуштайм. Узак жана кооз сүйлөгөндөрдүн доору бүттү. Конкреттүү аракеттерди кылууга убакыт келди. Биргелешүүнүн аркасында көйгөйлөрүбүздү чече алаарыбызды баса белгилегим келет”- деди Жапаров.