Өлкө башчы Садыр Жапаров Шотландияда өтүп жаткан климаттын өзгөрүшүнө арналган саммитинде Кыргызстандын мөңгүлөрүн сактап калууга дүйнөнү чакырды. Ал бүгүн сөз сүйлөп чыкты. Анда:

“Кыргызстан үчүн кылымдардан бери келе жаткан мөңгүлөрдү, суу ресурстарын жана улуу тоолорду климаттын өзгөрүүсүнөн гана эмес, экономикалык абийирсиз ишмердүүлүктөн сактап калуу өтө маанилүү. Тилекке каршы, Кыргызстанда мындай прецеденттер бар. Мен дүйнөлүк коомчулукту мындай бизнес практикасына биргелешип каршы турууга чакырам” – деди ал.