Тажикстандын премьер-министри Кохир Расулзода жумушчу сапары менен Кыргызстанга келди.

Өкмөттүн маалыматында, аны «Манас» эл аралык аэропортунда Министрлер кабинетинин төрагасынын орун басары Бакыт Төрөбаев тосуп алды.

Сапардын алкагында Бишкек шаарында кыргыз-тажик Өкмөттөр аралык кеңешинин биринчи жыйыны өтөт. Жолугушуунун жыйынтыгы боюнча бир катар документтерге кол коюу пландалууда.

Мындан тышкары, эки өлкөнүн өкмөт башчылары борбор калаадагы инфраструктуралык ишканаларга барышат.