Ысык-Көл мейманканасынын 7 кабаты бир күп этип кулады. Имараттын бузулуп жаткандагы видеосу социалдык тармактарга тарады. Видеодо бузуп жаткандарды “абайлагыла” деп айтып жатканын угууга болот.

«Ысык-Көл» мейманканасы 1984-жылы курулган жана 2007-жылдан тартып колдонулбай калган. Ал кезде толук реконструкция талап кылынган. Имаратты сактап калуу жана эл аралык талаптарга жооп берген заманбап мейманкана катары иштетүү үчүн толук реконструкция кылуу максатында бир нече жыл бою көптөгөн инвесторлор менен, анын ичинде чет элдик дагы, сүйлөшүүлөр жүргөн. Бул туурасында президенттин басма сөз кызматы билдирген.