Кыргызстанда жасалма документтерди жасап саткан деген шек менен чет элдик жаран кармалды, деп билдирет УКМКнын басма сөз кызматы.
Маалыматка караганда, Кылмыш-жаза кодексинин 379-берененин 1-бөлүмү (Документтерди жасалмалоо) боюнча кылмыштын негизинде 2022-жылдын 11-майында козголгон кылмыш иштин алкагында, Ош шаарындагы Жогорку окуу жайларда окуган студенттерге – Өзбекстандын жарандарына Кыргызстандын жасалма студенттик электрондук визаларын жана каттоо талондорун системалуу түрдө жасап, сатып жүргөн Өзбекстандын жараны А.Ш.Р.дын кылмыштуу ишмердүүлүгү аныкталып, ага бөгөт коюлду.
Ушул жылдын 12-майында Жазык-процесстик кодексинин 96-беренесинин негизинде УКМК тергөө камак жайынын убактылуу кармоочу жайына киргизилди, ошол эле учурда Ош шаардык соту айыпталуучуга карата 2 айга камакка алуу түрүндөгү баш коргоо чарасын карады.
Учурда бардык керектүү тергөө иш-чаралары жүргүзүлүүдө.
