Бишкек шаарында 63 жаштагы аялды өлтүрүүгө шектелген жаран кармалды, деп билдирет Милициянын кайгуул кызматы.
Маалыматка караганда, 14-майда саат 10:52 чамасында «102» кызматына Урицкий көчөсүндөгү үйлөрдүн биринен аялдын сөөгү табылгандыгы тууралуу маалымат келип түшкөн.
Айтылган дарекке кайгуул кызматкерлери жөнөтүлгөн. Жеринде 63 жаштагы Д.И. аттуу аял мыкаачылык менен өлтүрүлгөнү аныкталган.
Ыкчам издөө иш-аракеттери жүргүзүлүп, шектүү катары 58 жаштагы Г.Б. аттуу жаран кармалган. Ал тергөө кызматына өткөрүлгөн.
Аталган факты кылмыштардын бирдиктүү реестрине катталып, Кылмыш-жаза кодексинин 122-беренесинин (“Адам өлтүрүү”) негизинде сотко чейинки өндүрүшкө алынды.
