Бүткүл дүйнөлүк банк Кыргызстанда жакырчылык өсөт деп божомолдоодо. Аталган банктын адамзат өнүгүшү маселелери боюнча Европа жана Борбордук Азиядагы директору Фадия М. Саада Economist.kg басылмасына маек куруп, бул боюнча кенен айтып берген.
Анын айтымында, COVID-19 пандемиясы дүйнө боюнча киреше алуу булактарына таасирин тийгизди. Кыргызстан дагы четте калган жок. Мындан улам жакырчылыктын жана калктын аярлуу катмарынын өсүшү байкалууда. Мисалы, 2019-жылдын анализи боюнча калктын 19%ы жакырчылыктын чегинен төмөн болсо, бул көрсөткүч 2020-жылы өсүп, 2021-жылы ошондой эле көрсөткүчтө болгон. Бүткүл дүйнөлүк банктын божомолуна ылайык, жылдын аягына чейин бул көрсөткүч 38%га өсөт.
