Италияда өтүп жаткан кышкы Олимпиада оюндарында кыргызстандык спортчу Тимур Шакиров тоо лыжасынын гигант слалом түрү боюнча жарышта 62-орунду ээледи. 14-февралда өткөн бул мелдешке жалпы 81 спортчу катышкан.

Шакиров биринчи жарышта белгиленген аралыкты 1 мүнөт 29,52 секундда, экинчисинде 1 мүнөт 22,5 секундда басып өткөн. Эми спортчу 16-февралда слалом боюнча жарышка катышат.

Кыргызстандын атынан катышып жаткан дагы бир спортчу Артур Сапарбеков 10-февралда өткөн лассикалык спринт түрүндөгү лыжа жарышында 94-орунду ээлеген. 13-февралдагы эркин стилдеги 10 чакырымдык жарышта 113 катышуучунун ичинен 103-орунду алган.

25-кышкы Олимпиада оюндары Италиянын Милан жана Кортина-д’Ампеццо шаарларында өтүп жатат. Мелдештер 22-февралга чейин уланат.