Финляндиянын Леви дарыясынын жээгинде бак-дарактарды кучактоо боюнча чемпионат өттү. Катышуучулар үч категория боюнча ат салышты:

• ылдамдыкта кучакташуу, (бир мүнөттө мүмкүн болушунча көп карагай менен кайыңды кучактоо керек),
• берилип кучактоо (60 секунддан кем эмес чын ыкластан кучакташуу),
• фристайл, (чыгармачылык менен кучакташуу)

Бак кучактоо боюнча быйылкы чемпион Хельсинкиден Ани Ланкила болду. Ал мелдешке күрөң аюунун кийимин кийип келген.  Эми Леви лыжа базасында бир жума бекер эс алат.

– Мындай сынактан кийин кандай сезимде болосуз?

– Мен өзүмдү сонун сезип жатам. Жагымдуу жана күтүүсүз болду.  Бүгүн абдан салкын болду. Кел, кийинки жылы аракет кыл.

-Дарактарды кучактап жүрө бересизби?

– Албетте, улантам. Мен күн сайын жаратылышта болом. Балким, мен айланадагы бак-дарактарды башка көз менен карай баштайм.

Бак-дарактарды кучактоо боюнча биринчиликти өткөрүү идеясы 2020-жылы пандемия учурунда жергиликтүү токойго ээлик кылган ХалиПуу уюмуна келген. Табият менен байланышуу маанайды жакшыртат жана стрессти азайтат дешет алар.

Быйыл сынак үчүнчү жолу өткөрүлдү.

[image_carousel source=”media: 150603,150601,150600″ limit=”20″ slides_style=”default” controls_style=”dark” crop=”none” columns=”1″ adaptive=”yes” spacing=”yes” align=”none” max_width=”none” captions=”no” arrows=”yes” dots=”yes” link=”none” target=”blank” autoplay=”4″ speed=”medium” image_size=”large” outline=”yes” random=”yes”]

Бардык жаңылыктар Телеграм каналда