Бишкек шаарында 2022-жылдын экинчи кварталында калктын жан башына жашоо минимумунун орточо баасы 8,7%га өсүп, 7452 сомду түздү. Бул тууралуу Улуттук статистикалык комитет билдирди.

Ал эми үстүбүздөгү жылдын январь-май айларында чакан ишканаларды эсепке албаганда бир кызматкердин орточо айлык номиналдык эмгек акысы 22927 сомду түздү. 2021-жылдын ушул мезгилине салыштырмалуу 19,8%га өскөн.

Ошол эле учурда Улуттук статистикалык комитеттин маалыматы боюнча, айына тамак-аш азыктарына 4,7 миң сомдон кем эмес, азык-түлүк эмес товарларга 1,1 миң сом, кызмат көрсөтүүлөргө 1,2 миң сом жана салыктарга 146 сом сарпталат.