Активист Адилет Балтабайдын иши сотко өттү. Бул тууралуу Reporter.kg’ге анын жактоочусу Нурбек Сыдыков билдирди.
Анын айтымында, бүгүн Адилет Балтабайга ачылган кылмыш иши боюнча Биринчи май райондук сотунда биринчи отурум өттү.
«Сот процесси бүгүн башталды. Адилет Балтабайга айыбы угузулду. Күбөлөрдүн келбей калгандыгына байланыштуу соттук отурум 13-сентябрга жылдырылды», — деди ал.
Эскерте кетсек, Адилет Балтабайга (Адилет Али Мыктыбек) «массалык башаламандыктарга чакырык жасоо» беренеси боюнча кылмыш иши ачылган. Аталган берене боюнча беш жылдан сегиз жылга чейин эркинен ажыратуу каралган. Учурда ал №1 тергөө абагында камакта отурат.
Бардык жаңылыктар Телеграм каналда
