Next TV телеканалынын директору Таалайбек Дүйшөмбиевдин иши боюнча сот жылдырылды. Бул тууралуу саясатчы Равшан Жээнбеков билдирди.
Соттук жыйын бүгүн саат 14:00дө Биринчи май райондук сотунда болмок. Бирок отурум 21-сентябрга саат 11:00гө жылдырылган.
5-сентябрда өткөн соттук процессте прокурор айыпталуучуну 7 жылга эркинен ажыратууну суранган.
Эскерте кетсек, Next TV телеканалынын директоруна «улуттар аралык кастыкты козутуу» беренеси боюнча иш ачылган.
Аталган иштин козголушуна Next TV каналынын социалдык тармактарында Казакстандын Улуттук коопсуздук комитетинин мурдагы башчысынын «Украина менен болгон согушта Кыргызстан Россияга жардам берет» деген билдирүүсүн жарыяланганы себеп болгон.
Бардык жаңылыктар Телеграм каналда
